JUDAH MINISTRIES

Ons vra dat u die bouprojek in u gebede sal hou. Baie dankie vir al die gebed sover. Ons is weer aan die gang en ons kyk uit na die dag van voltooiing.

TERUGVOERING OOR ONS BOUPROJEK

Goeie dag almal. 

Ek glo een en elkeen is so opgewonde soos ons oor die vordering wat gemaak word met ons bou projek en bouwerk. 

Dankie vir almal wat so ‘n paar Sondae terug saam met ons die bouperseel kon besoek, en duisend dankies ook aan almal wat op ‘n gereelde basis daar verby ry om net te sien hoe dit daar gaan en lyk. 

Ek glo julle sal met my saamstem dat daar letterlik daagliks groot veranderings plaasvind, veral met die voltooing van sekere stadiums. 

Ek begin nou ‘n geheelprentjie kry van die “klaar” produk. Ons het so lank gewag om net tot hier te kom. Pastoor Kobus Klaaste, wat die bouwerk nou behartig, is ‘n ware engel. Ons twyfel geensins dat hy deur God “gestuur” is om die projek vir ons klaar te maak nie. Hy en sy span, saam met die subkontrakteurs, verrig waarlik wonders. 

As mens in ag neem waar die projek was, en waar ons nou staan, kan ons net ons hande saamslaan en op ons knieë neerval en sê : 

DANKIE VADER 

Dit gaan letterlik dol daar op die bouperseel met die bouers, dak mense, elektrisiën, loodgieter en alluminium mense wat gelyk aan die werkskaf daar. 

Dit is hoe ‘n bouperseel mos moet lyk. In hierdie tyd is daar verskeie afdelings wat gelyk “gehardloop” word. Ons is vinnig besig om “grond” te wen, as gevolg van: die guns van die Here, fyn beplanning, mooi weer, goeie samewerking tussen die kontrakteurs, en die “hands on approach” van al die belalanghebbendes. Voorts probeer ons om alle take te prioritiseer, wat op ‘n skedule geplaas word deur Jan Benade. Daardie skedule lys word op ‘n gereelde basis opgegradeer en gemonitor.

Verskeie ander take word ook vroegtydig geprioritiseer en geskeduleer, wat ons instaat stel om vroegtydig te beplan. Van die take is: die noodplan en nooduitgange, brandblussers, branslange ens. wat gediens en aangekoop moet word; en voorsienning gemaak moet word, sekuriteit naamborde ens. 

Hendrik Pienaar, die staalkonstruksie man, het die staalstruktuur mooi vir ons reggetrek, en hy begin reeds volgende week om die dakplate op te sit. Daarna kom die geute aan die beurt. André Keller, die aluminium man, het reeds al die vensteren skuifdeurrame ingesit. Al die binneste houtrame is ook in. Kobus Klaaste het die week die grootste deel van die vloere gegooi. Die res sal gedoen word sodra die ‘stutte” van die boonste vloer verwyder is. Met die Here se guns kon ons daarin slaag om ‘n tweede verdieping te gooi met rip en blok. Ons sal die komende twee weke begin met die verfwerk en plafonne. 

Teen die einde van volgende week gaan die perseel aan die buitekant opgeruim word en al die bourommel sal verwyder word. Dit opsigself gaan een massiewe verbetering wees. Die erf sal dan mooi skoon en netjies vertoon. Daarna sal die erf voorberei word vir die lê van die plaveisel. So, hou die spasie dop! Soos julle weet, het alles nie noodwendig altyd volgens plan verloop nie, maar watter bouprojek verloop altyd seepglad? Nieteenstaande alles, was en is die Here vir ons goed. 

Ons wil ook vra dat u asseblief aanhou bid vir die projek, en as daar iemand is wat gelei voel om ‘n bydrae te maak, al is dit bo-op dit wat u reeds gegee het, kan u dit met vrymoedigheid doen. Ons vind berusting daarin dat die Here weet wat ons behoefte is. Daar is nog onvoorsiene kostes wat gedek moet word, maar ons weet, die HERE sal voorsien.

“En God het mag om alle genade oorvloedig oor julle te laat wees, sodat julle altyd in alle opsigte volop kan hê en oorvloedig kan wees tot elke goeie werk.” -2 Korinthiers 9 : 8 

Die volgende teksvers kom ook by my op : 

“As die Here die huis nie bou nie, tevergeefs werk die wat daaraan bou; as die Here die stad nie bewaar nie, tevergeefs waak die wagter.” - Psalm 127 : 1 

Anton Alberts